Myriostoma coliforme
Myriostoma coliforme | |
---|---|
![]() ![]() | |
Sailkapen zientifikoa | |
Erreinua | Fungi |
Klasea | Agaricomycetes |
Ordena | Geastrales |
Familia | Geastraceae |
Generoa | Myriostoma |
Espeziea | Myriostoma coliforme Corda, 1842 |
Basionimoa | Lycoperdon coliforme |
Myriostoma coliforme Geastraceae familiako onddo espezie bat da.[1] Jangarria, baina desagertzeko arriskuan, babestu egin behar da.
Deskribapena
Karpoforoa: Izar-forman
Endoperidioa: 3 eta 5 cm bitartekoa, globo formakoa, esporak kanporatzeko hainbat estomarekin (Myriostoma) edo aho zirkularrekin. Gaztetan zilar kolorea du eta helduetan marroi-arrexka.
Exoperidioa: 8 cm arteko diametroa duen izarra sortuz irekitzen da, ez da higroskopikoa (ireki edo itxi ez du hezetasunagatik egiten). Endoperidioa (goian) eta exoperidioa (behean), zutabe-egitura gisa elkartuta daude, pseudoestipiteekin edo oin txikiekin. Myriostoma generoko espezie bakarra da.[2]
Jangarritasuna
Jan daiteke, baina desagertzeko arriskuan dagoenez, babestu egin behar da, aurkitzen dugunean horren berri jakinarazi behar diegu adituei.
Nahasketa arriskua
Geastrum generoko espezie denak eta Astraeus hygrometricus espezieak izar forma dute, baina esporak sakabanatzeko estoma edo poro bat bakarra dute.
Sasoia eta lekua
Hostozabalen basoetan (artelatza, estrepa likatsua)
Banaketa eremua
Europa, Amerika osoa, Hegoafrika, Australia.
Espeziearen egoera
Aranzadi Elkartearen arabera, Myriostoma coliforme desagertzeko arriskuan dauden onddoen eusko-kantauriar Zerrenda Gorrian dago.[3] Azken urteotan mikologia adituek onddo batzuen beherakada kuantitatibo eta kualitatibo handia egon dela ohartarazi dute. Adituen esanetan, egoera honek hainbat eragile ditu, tartean klima aldaketa, pestiziden erabilera eta bilketa masiboak.
Erreferentziak
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia..
- ↑ Zerrenda Gorria, Aranzadi Zientzia Elkartea
Kanpo estekak
Autoritate kontrola |
---|
Datuak: Q1779133
Multimedia: Myriostoma coliforme / Q1779133
Arriskuan dauden Euskal Herriko onddoak | |
---|---|
|