Ganoderma pfeifferi
Ganoderma pfeifferi | |
---|---|
![]() ![]() | |
Sailkapen zientifikoa | |
Erreinua | Fungi |
Klasea | Agaricomycetes |
Ordena | Polyporales |
Familia | Ganodermataceae |
Generoa | Ganoderma |
Espeziea | Ganoderma pfeifferi Bres., 1889 |
Ganoderma pfeifferi Ganodermataceae familiako onddo espezie bat da.[1] Ez da jateko modukoa, haragi zurkara du eta erretxinadun azala.
Deskribapena
Karpoforoa: Ederra, 25 cm arteko zabalerakoa, kontsola gisa, erretxinadun azala, gaineko aldea, zarakartsua eta kolore arre-gorrixka ikusgarri batez lakatua (gaztetan tonu argiagoak izaten ditu eta helduaroan kobre kolorearen antzekoagoak)
Tutuak: Arrexka kolorekoak.
Poroak: Finak eta biribilduak, espora-jausian kolore zuria izaten dute eta horixka gainerakoan
Haragia: Zurkara, arrexka kolorekoa.[2]
Etimologia: Ganoderma terminoa antzinako grekozko "ganos" hitzetik dator, distira esan nahi duena eta azala esan nahi duen "derma" hitzetik.
Jangarritasuna
Ez da jangarria. Haragi zurkara eta erretxinadun azala duelako.
Nahasketa arriskua
Argizari geruza batez estalitako Ganoderma bakarra da. Ganoderma resinaceum delakoak kolore arre iluna du eta haritzen gainean hazten da. Fomitopsis pinicola espeziearen antza ere badu, honek hori-laranja tonuak izaten ditu.
Sasoia eta lekua
Batez ere udazkenean, baina urte osoan egon daiteke zuhaitzaren gainean. Pagoen eta beste zuhaitz hostogalkorren saprofitoa, penintsularen iparraldean. Usteldura zuria sortzen du, hori da bere funtzio ekologikoa
Banaketa eremua
Europa, Australia.
Espeziearen egoera
Aranzadi Elkartearen arabera, Ganoderma pfeifferi desagertzeko arriskuan dauden onddoen eusko-kantauriar Zerrenda Gorrian dago.[3] Azken urteotan mikologia adituek onddo batzuen beherakada kuantitatibo eta kualitatibo handia egon dela ohartarazi dute. Adituen esanetan, egoera honek hainbat eragile ditu, tartean klima aldaketa, pestiziden erabilera eta bilketa masiboak.
Erreferentziak
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia..
- ↑ Zerrenda Gorria, Aranzadi Zientzia Elkartea
Kanpo estekak
Autoritate kontrola |
---|
Datuak: Q1792850
Multimedia: Ganoderma pfeifferi / Q1792850
Arriskuan dauden Euskal Herriko onddoak | |
---|---|
|