Xake-tximeleta txiki

Xake-tximeleta txiki
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Hesperiidae
Leinua	Pyrgini
Generoa	Pyrgus
Espeziea	Pyrgus malvae Linnaeus, 1758
Datu orokorrak
Ostalaria	Marrubi arrunt, Zaingorri bostorri, Potentilla erecta, Argentina anserina, Potentilla palustris, Alchemilla, Usu-belar, mugurdiondo eta Rubus saxatilis

Xake-tximeleta txikia (Pyrgus malvae) Hesperiidae familiako lepidopteroen espezie bat da. Europan eta Asian aurkitzen da Iberiar penintsulatik hasi eta Korearaino. Kontinenteen iparraldean ez dago, hotzarengatik.

Lineok deskribatu zuen 1758. urtean.

Tximeleta txikia da, 24 mm-ko hegal zabalera hartzen du batazbeste. Kolore oso bereizgarriak ditu, xake taula batean bezala kolore beltzean orbain zuriak tartekatzen dira. Espezie honetako tximeleta batzuek kolore argiagoa ere izan dezakete, beltza beharrean marroia. Itxuragatik sitsa ematen du tximeleta baino gehiago. Arrek eta emeek antzeko koloreak dituzte baina arren hegoak angelutsuagoak dira eta emearenak borobiltsuagoak.

Tximeletaren beldarrak kolore berdea du eta lerro marroi argi eta ilunak dtu^[1].

Landare loredun txikietak jartzen ditu arrautzak, marrubi landaretan esate baterako. Ondoren beldarrak jaiotzen dira eta estalki bat eraikitzen dute beren burua babesteko. Bi edo hiru hilabete pasatzen direnean pupa sortzen du. Pupa ere altuera txikiko belarretan ezartzen du. Negua horrela igarotzen du eta martxoa aldera tximeleta heldua ateratzen da. Tximeletak uztailerarte ikusten dira hegan^[2].

Hiru ekosistema ezberdinetan ikusten dira xake-tximeleta txikiak; basoan, belardietan eta industria guneetan, nitrogeno kopuru handia pilatzen duten landareak baitituzte gustoko^[2].

• 
  Tximeletaren bikotea.
• 
  Hegalen azpialdea.
• 
  Tximeletaren tamaina.

• Datuak: Q1109803
• Multimedia: Pyrgus malvae / Q1109803
• Espezieak: Pyrgus malvae