Wendy Hughes
Wendy Hughes | |
---|---|
Bizitza | |
Jaiotza | Melbourne, 1952ko uztailaren 29a |
Herrialdea | ![]() |
Heriotza | Sydney, 2014ko martxoaren 8a (61 urte) |
Heriotza modua | berezko heriotza: minbizia |
Hezkuntza | |
Heziketa | National Institute of Dramatic Art (en) ![]() |
Jarduerak | |
Jarduerak | zinema aktorea eta aktorea |
Lantokia(k) | Australia |
![]() ![]() ![]() ![]() ![]() |
Wendy Ann Hughes (Melbourne, 1952ko uztailaren 29a - Sidney, 2014ko martxoaren 8a) aktore australiarra izan zen, antzerkian, zineman eta telebistan parte hartu zuelako ezagunagoa. Bere ibilcideak berrogei urte baino gehiago iraun zuen eta bere ospea Australiako aktorerik onenetakoa eta emankorrenetakoa bezala sendotu zuen.[1] Bere ibilbideko azken urteetan Happy New Year taldean aritu zen Peter Falk eta Charles Durning izarrekin batera. 1993an Carol Blythe doktorearen papera egin zuen Homicide: Life on the Street lanean. 90eko hamarkadaren amaieran, State Coroner eta Paradise Road antzeztu zituen.
Biografia
Melbournen (Australia) jaioa[2], Hughesek jatorriz dantzaria izateko ikasi zuen, baina nerabezaroan interpretazioan zentratu zen eta geroago Arte Dramatikoko Institutu Nazionalean (NIDA) graduatu zen.
Wendy minbiziaz hil zen 2014ko martxoaren 8ko goizean, 61 urte zituela.[3][4]
Bizitza pertsonala
Hughesek bi seme-alaba izan zituen, seme bat Patric Juillet sukaldariarekik eta alaba bat, Charlotte, Chris Haywood aktorearekin. Sean Scully aktorearekin ere ezkonduta egon zen, baina harremana 1973an amaitu zen.[2][5]
Colette Mann aktorearen lagun ona izan zen.
Ibilbidea
Melbourne Theatre Companyn hobetu ondoren, Petersen-en (1974)[6] egin zuen lehen zinema-papera. 1970eko hamarkadaren hasieran ere izan zituen lehen rolak telebistan, Power Without Glory telesailean, esaterako.
"Australiako zinemaren garapenean eta produktibitatean aktore garrantzitsuenetako bat" bezala kalifikatua[7], Hughesek kolaborazio estuan lan egin zuen artista australiar nabarmenekin, hala nola John Seale argazki zuzendariarekin eta David Williamson eta Bob Ellis gidoilariekin.[7] 1970eko hamarkadan "Australiako Zinema Berriaren" berpizkundearen protagonistetako bat izan zen.[8]
Hughesen nazioarteko lehen paper ezaguna Patriciaren pertsonaia izan zen Lonely Hearts (1982) filmean[9]. Rol horrek hamarkada askotako lankidetza hasi zuen Paul Cox zuzendari holandar-australiarrarekin[9].
Australiako zinemako aktore garrantzitsuenetako bat izanik, Hughesek 1970eko eta 1980ko hamarkadetan jokatu zituen rolak Newsfront, Kostas, My Brilliant Career, Lucinda Brayford, Touch and Go, Hoodwink, Lonely Hearts, Careful, He Might Hear You, My First Wife, I Can't Get Started, An Indecent Obsession, Echoes of Paradise, Boundaries of the Heart, Warm Nights on a Slow Moving Train (1988) eta Luigi's Ladies.[10][11]
Hughesek 1987an egin zuen debuta Estatu Batuetan John G. Avildsenen Happy New Year filmean, Peter Falk eta Charles Durningekin batera. 1989an, Pierce Brosnanekin batera, HBOk telebistarako egindako The Heist filmeko protagonista izan zen.[10] Telebistan noizean behin agerraldiak egiten jarraitu zuen, Jilly Stewartek 1983ko Return to Eden minisailean egin zuen bezala. 1990eko hamarkadaren hasieran, denboraldi bat eman zuen Estatu Batuetan, eta Carol Blythe doktorearen papera egin zuen Homicide: Life on the Street telesailean. Amerika telesailean ere agertu zen, eta gonbidatu gisa agertu zen Nella Daren teniente komandantearen rolean Star Trek: The Next Generation filmean, "Lessons" atalean, Jean-Luc Picard kapitainak telesailean zuen maitasun-interes urrietako bat bezala.
Australiara itzulita, Hughesek rol nagusiak jokatu zituen telebistan The Man From Snowy River ("Snowy River: The McGregor Saga") eta State Coroner filmetan. Zineman, Princess Caraboo eta Paradise Road komedietan aritu zen Hughes. Bere azken paper zinematografikoak Salvation (2007), The Caterpillar Wish (2006) eta The Man Who Sued God (2001) izan ziren.[12]
Antzerkian, Hughesek Robinson anderea interpretatu zuen The Graduate-ren 2001eko Melbourne-ren bertsioan, Martha Who 's Afraid of Virginia Woolf?-en eszenaratzean 2007an Melbourne Theatre Company-n, Honor pertsonaia Honour filmean 2010ean[13] eta Henry Higgins-en ama Pygmalion-en (2012).
Miss Fisher 's Murder Mysteries-en agertu zen azken aldiz telebistan.
Sariak
Sei aldiz izendatu zuten Australiako Zinematografia Institutuko interpretazio sarietarako, eta 1983an emakumezko aktore nagusi onenaren saria irabazi zuen Careful, He Might Hear You filmean egindako lanagatik.[14]
Heriotza
Hughes minbiziak jota hil zen 2014ko martxoaren 8an, 61 urte zituela. Bryan Brown aktoreak Sydneyko Travelling North antzezlanean parte hartu zuen ikusleei heriotza iragarri zien arratsalde hartan bertan, eta aktoresa zenduaren omenezko txaloaldi batean berarekin bat egiteko eskatu zien ikusleei.[5]
Erreferentziak
- ↑ (Ingelesez) «Wendy's house» The Age 2006-05-28 (Noiz kontsultatua: 2024-02-21).
- ↑ a b «Australian actor Wendy Hughes has died at the age of 61 | Herald Sun» web.archive.org 2015-03-24 (Noiz kontsultatua: 2024-02-21).
- ↑ Actress Wendy Hughes dead at 61
- ↑ Vale: Wendy Hughes
- ↑ a b (Ingelesez) Dumas, Daisy. (2014-03-08). «Actress Wendy Hughes dead at 61» The Age (Noiz kontsultatua: 2024-02-21).
- ↑ «Wendy Hughes's Biography - Yahoo!7 Movies» web.archive.org 2013-12-14 (Noiz kontsultatua: 2024-02-21).
- ↑ a b «focus on wendy hughes» web.archive.org 2013-12-11 (Noiz kontsultatua: 2024-02-21).
- ↑ «Wendy Hughes - Biography - MSN Movies» web.archive.org 2014-03-08 (Noiz kontsultatua: 2024-02-21).
- ↑ a b «a celebration of wendy hughes» web.archive.org 2014-03-12 (Noiz kontsultatua: 2024-02-21).
- ↑ a b «Sort by Year - Latest Movies and TV Shows With Wendy Hughes» IMDb (Noiz kontsultatua: 2024-02-21).
- ↑ (Ingelesez) Kornits, Dov. (2019-08-18). «Australian Movie Stars» FilmInk (Noiz kontsultatua: 2024-02-21).
- ↑ «Movies with Wendy Hughes - Yahoo!7 Movies» web.archive.org 2013-12-17 (Noiz kontsultatua: 2024-02-21).
- ↑ «Honour | Joanna Murray-Smith» www.australianstage.com.au (Noiz kontsultatua: 2024-02-21).
- ↑ (Ingelesez) «Winners & Nominees» www.aacta.org (Noiz kontsultatua: 2024-02-21).
Kanpo estekak
- Wendy Hughes Internet Movie Databaseren webgunean (Ingelesez)
- Wendy Hughes - ABC News
- Wendy Hughes on TV.com
Datuak: Q276365