Sasimarrubi

Sasimarrubi
Irudi gehiago
Sailkapen zientifikoa
Erreinua	Plantae
Ordena	Rosales
Familia	Rosaceae
Leinua	Potentilleae
Generoa	Potentilla
Espeziea	Potentilla indica Wolf, 1904
Basionimoa	Fragaria indica

Potentilla indica, baita ere Indimarrubi eta Sasimarrubi, gure baso eta parkeetan oso ohikoa bihurtu den landare exotikoa da.^[1] Rosaceae familiako landare belarkara iraunkorra da. Hostotza eta fruta antzekoak diren arren, ez da benetako marrubia, eta oso ondo bereiz daiteke bere lore horiengatik, zuriak edo arrosak dituen benetako marrubiarekin alderatuta.^[2]

Hostoak trifoliatuak eta berde ilunak dira. Loreak horiak dira. Fruituak, berez eterio izeneko fruitu faltsuak, kolore gorri biziko ontzi haragitsu eta loditua dira, marrubi baten antzekoak, baina esferikoak -marrubia konikoa da-, zeinaren gainazalean akeniar batzuk dauden, kolore gorrikoak horiek ere, benetako fruituak direnak. Helduaroan erraz askatzen dira, eta ontzia biluzik geratzen da. Zapore gozoa du, baina gusturik gabea.

Asiako ekialdean eta hegoaldean bizi da, baina beste leku batzuetan landatzen da, hala nola landare apaingarrietan. Hainbat eskualdetan espezie inbaditzailetzat jotzen da zeren eta nahi gabe zabaldu baitira eta bertako landareen espazioak betetzen baitute.

Potentilla indica (Andrews) Th.Wolfek deskribatu zuen^[3] eta Synopsis der Mitteleuropäischen Flora aldizkarian argitaratu zen. 6(1[34,35]): 661. 1904.

• Potentilla: latin posklasikotik dator, potentilla, -ae, potens, -entis (indartsua, ahaltsua) hitzatik eratorria; azkenik illa, -illae, atzizki txikigarria. Izen horrekin, antza, landare horrek dituen ahalmen idorgarria aipatu nahi dute.
• Indica: latinetik, "Indiarra".

Hauek dira sinonimo zabalduenak:^[4]

• 
  Lorea.
• 
  Fruituaren itxura duen eterioa.
• 
  Sasimarrubia oso ohikoa bihurtu da gure basoetan.

• Datuak: Q162878
• Multimedia: Potentilla indica / Q162878
• Espezieak: Potentilla indica