Ruslan Albertovitx Zakharov, (errusieraz Руслан Альбертович Захаров, Gorki, SESB, 1987ko martxoaren 24a) atleta errusiarra da, izotz gainean abiadurako patinajean lehiatzen dena, pista luze eta pista motzeko modalitateetan[1].
2010 eta 2022 urteen artean, Neguko hiru Olinpiar Jokotan hartu zuen parte bi domina lortuz, urrezkoa Sotxin 2014an 5.000 metroko erreleboko pista motzeko proban eta zilarrezkoa Pekinen 2022an, ROC taldea ordezkatzen, taldekako jazarpenean Daniil Aldoxkin eta Sergei Trofimov-ekin batera[1]. Kontuan izan, NOBek (Nazioarteko Olinpiar Batzordea) ezarritako zigorra zela medio, Tokioko 2022ko Neguko Olinpiar Jokoetan, errusiar kirolariek ezin izan zutela Errusiaren izenean esku hartu eta ROCen (Russian Olympic Committee) izenean eta banderapean lehiatu zirela.
2020 eta 2021ean, bi brontzezko domina irabazi zituen Banakako Distantziako Abiadura-patinajeko Munduko Txapelketan, eta Banakako Distantziako Abiadura-patinajeko Europako Txapelketan ere, brontzezko bi domina lortu zituen 2018 eta 2022an[1][2].
Nazioarteko lorpenak