Maria Ubarretxena
Maria Ubarretxena | |||||
---|---|---|---|---|---|
![]() ![]() | |||||
2024ko ekainaren 25a - ← Bingen Zupiria
2015eko ekainaren 13a - 2023ko ekainaren 17a | |||||
Bizitza | |||||
Jaiotza | Urretxu, 1980ko urriaren 11 (43 urte) | ||||
Herrialdea | ![]() | ||||
Bizilekua | Arrasate | ||||
Hezkuntza | |||||
Heziketa | Deustuko Unibertsitatea | ||||
Hizkuntzak | euskara gaztelania | ||||
Jarduerak | |||||
Jarduerak | politikaria | ||||
Enplegatzailea(k) | Eusko Jaurlaritzako Osasun Saila Lanbide Arrasateko Udala | ||||
Sinesmenak eta ideologia | |||||
Alderdi politikoa | ![]() |
Maria Ubarretxena Cid (Urretxu, Gipuzkoa, 1980ko urriaren 11) EAJ alderdiko politikaria eta enpresa-kudeatzailea da. Urretxun jaioa, Arrasaten bizi da 2006tik, eta Arrasateko alkatea izan zen 2015etik 2023ra arte.[1][2] 2023tik aurrera Gipuzkoako Foru Aldundiko Bide Azpiegituretako diputatua izan zen. 2024ko ekainetik aurrera Eusko Jaurlaritzako Gobernantza, Administrazio Digital eta Autogobernu sailburua da Imanol Pradalesen gobernuan. Jaurlaritzaren bozeramailea ere bada.[3]
Formakuntza
Gizarte Zientziak eta Enpresa ikasketetan lizentziatua Deustuko Unibertsitateko Donostiako Campusean, esportazio kontuetan behar egin du. Kooperatibista da, baita haren senarra ere.[4]
Ibilbide profesionala
Lan-esperientzia profesional luzea du. 2002/2003 ikasturtean, ikasketen azken urtean zebilela, Legazpiko Bellota Herramientas enpresako Marketing eta Esportazio departamentuetan aritu zen. Hurrengo urtean Arrasateko Alejandro Altuna JMA enpresan esportazioetako departamentuan. Hurrengo hamar urteetan Antzuolako Goizper E, Kooperatibako bazkidea izan zen, esportazioetako departamentuan hor ere bai, non azken urtean departamenduko kudeatzailea (Export Area Manager) izan zen.[5]
2013an Eusko Jaurlaritzako Enplegu eta Gizarte Politiketako Saileko Gizarte Ekonomiaren zuzendari izendatu zuten, han aritu zen 2015era arte, Arrasateko alkate bihurtu zen arte. Bi urte haietan Euskadiko Kooperatiben Goren Kontseiluko lehendakaria ere izan zen.[6][5]
Ibilbide politikoa
2011n hasi zen zinegotzi Arrasaten. 2015eko ekainaz geroztik Arrasateko alkatea da.[5][7]
Erreferentziak
- ↑ «Botoaren esanahia eta garrantzia» Goiena.eus (Noiz kontsultatua: 2020-03-09).
- ↑ «Maria Ubarretxena Arrasateko alkatea: “Memoria berreskuratu eta elkarbizitza hobetzeko balioko du akordioak”» Euskal Irrati Telebista (Noiz kontsultatua: 2020-03-09).
- ↑ «Sailburu berriak astearte honetan jabetuko dira karguaz» EITB 2024-06-23 (Noiz kontsultatua: 2024-06-23).
- ↑ «María Ubarretxena» www.eaj-pnv.eus (Euzkadi Buru Batzarra) 2016 (Noiz kontsultatua: 2020-03-09).
- ↑ a b c «Maria Ubarretxena Cid — Arrasateko Udala» www.arrasate.eus (Noiz kontsultatua: 2022-10-12).
- ↑ Ubarrechena Cid, Maria. Sektore publikoaren kargudunak · María Ubarrechena Cid. Irekia - Eusko Jaurlaritza.
- ↑ Maria Ubarretxenak udal-hauteskundeak irabazi ditu Arrasaten – OVES-GEEB. (Noiz kontsultatua: 2022-10-12).
Kanpo estekak
Datuak: Q87412620
Multimedia: Maria Ubarretxena / Q87412620
![]() | Eusko Jaurlaritza (2024-2028) | ![]() |
---|---|---|
Imanol Pradales (Lehendakaritza) |