Lucía Caram

Lucía Caram
(2014) Irudi gehiago
Bizitza
Jaiotza	San Miguel de Tucumán, 1966ko urriaren 21a (57 urte)
Herrialdea	Argentina
Jarduerak
Jarduerak	idazlea eta moja
Jasotako sariak	ikusi Catalan of the year Award  (2014) Sant Jordiren gurutzea  (2018)
Sinesmenak eta ideologia
Erlijioa	Erromatar Eliza Katolikoa
Erlijio-ordena	domingotar
fundaciodelconventdesantaclara.org eta fundaciorosaoriol.org…

Lucia Caram Padilla, ezizenez 'monja cojonera'^[1] (Tucumán, Argentina, 1966ko urriaren 21a) Espainian bizi den argentinar moja, sukaldaria, idazlea eta esataria da.^[2][3] Urteko katalana izendatu zuten.^[4]

Luciaren familiak jatorri libanoarra du. Tucumán herrian jaio zen, zazpi neba-ahizpetatik bosgarrena da.^[5] Ikastetxe erlijioso batean hezi zuten. 1976tik 1983ra Argentinari eragin zion diktaduran, haren probintzia, Tucumán, gogor zigortu zuen errepresio militarrak, eta, haren esanetan,

«Hortxe egin nuen topo jendearen sufrimenduarekin eta indarkeriaren zergatiaren galderarekin. Horixe izan zen nire bokazioaren lehen hazia».^[6]

1994. urtetik bizi da Espainian, Bartzelonako Santa Clara de Manresa komentuan, hain zuzen ere.^[7] Rosa Oriol Fundazioaren bultzatzailea da.^[8]

Lucia ustelkeriaren aurka agertzen da,* pobreenen alde, Katalunian preso dauden politikarien alde,-eta pertsonaia hurbil batzuen alde-, eta Kataluniako separatismoaren alde, zuzenean edo zeharka.^{[9][10][11][12][13]} Gainera, homosexualen aldeko adierazpenak egin ditu, eta horiek ezkontza konbentzionalaren barruan sartzeko aukera irekiaren inguruan, baita etorkinak eta errefuxiatuak Espainian hartzearen alde ere.^[14][15][16]

Lucíaren ustez, emakumearen rola «ez da aitortua izan elizaren barruan», eta gizarte «matxista eta patriarkal» batean bizi gara.^[17] Euskal Irrati Telebistari egindako adierazpenetan, eliza «abortuari eta antisorgailuei aurre egiteko berritu» behar zela adierazi zuen, berak ezin zuelako «emakumerik behartu abortatzera».^[17][18]

Cuatro kateko Las mañanas saioan kolaboratu du. Canal Cocina katean ere parte hartu du, Sor Lucía izeneko bere errezeta-saioarekin,^[19] Latinoamerikarako El Gourmet katean ere eman den saioa.^[20]

2006an Memorial Àlex Seglers saria jaso zuen ekumenismoaren alde egindako lana aitortzeko, hala nola Erlijioen Arteko Elkarrizketa Taldea sortzea Manresan, eta 2006an Kataluniako Erlijioen II. Parlamentuaren antolaketan parte hartzea.^[21]

2015ean, Kataluniako El Periodico de Cataluña egunkariaren Urteko Sari Katalana jaso zuen, baita TV3ko "Els matins" (Goizak) saioko ikusleek emandako saria ere.^[22]

2017ko urtarrilean, Cuatro kateko Risto Mejidek gidatutako Chester in love saioan, sor Luciak adierazi zuen Jose Nazaretekoak eta Maria Ama Birjinak sexu harremanak izan zituztela edozein bikote normalek bezala, eta horrek polemika handia piztu zuen Dominiken komunitate erlijiosoan.^[23]

• 1995, Vive tu fe ¡El Catecismo en crucigramas! (ISBN 978-84-85803-59-0)
• 1997, El Evangelio en crucigramas (ISBN 978-84-89761-79-7)
• 1999, Saludablemente bien: la homeopatía y la humanización de la ciencia (ISBN 978-84-84070-77-1)
• 2000, Nueva oración de los fieles I (ISBN 978-84-8407-096-2)
• 2000, Nueva oración de los fieles II (ISBN 978-84-8407-097-9)
• 2004, Catalina de Siena: el coraje en la Iglesia (ISBN 978-84-72395-83-1)
• 2012, Mi claustro es el mundo
• 2014, Estimar la vida (ISBN 978-84-16154104)
• 2014, A Dios rogando (ISBN 978-84-15880-82-0)
• 2014, Amar la vida y compartirla
• 2015, Sor Lucía se confiesa (ISBN 978-84-16256-78-5)
• 2015, Las recetas de Sor Lucía Caram (ISBN 9788416245000)

• Bideoa: Sor Lucía Caram: 'Soy la monja cojonera de los políticos' 2015. 05.21
• Bideoa: En el aire - Sor Lucía Caram: "Si me llaman 'monja cojonera' será porque los toco" 2014.02.14

• Datuak: Q19805190
• Multimedia: Lucía Caram / Q19805190