Logia (elkartea)

Artikulu hau hargin beltzen elkarteari buruzkoa da; beste esanahietarako, ikus «Logia».

Logia (italierazko loggia edo "logia"^[1] edo grezierazko λóγος edo "arrazoiketa"^[2] hitzetatik ekarria) framazoneriaren batzarrarentzako aretoa da, eta baita batzarra osatzen duten kideen multzoa ere^[3]. Hargin beltzak hiru mailatan banatzen dira bertan: ikastuna, kidea eta maisua.

Motak

Ohikune bereko logien federakuntza Logia Handia da, eta horrek beste logia batzuk sortzeko eskubidea ematen du.
Hargin beltzek bere sarbidea izan duten logiari Logia Ama deritzote.
Hiru mailatan lan egiten duten logiak Urdina edo Sinbolikoa dira.
Framazon-gaiak sakonki lantzen dituzten logiek Ikerketa Logia izena dute.