Limosilactobacillus reuteri
| Limosilactobacillus reuteri | |
|---|---|
 | |
| Sailkapen zientifikoa | |
| Erreinua | Bacillati |
| Filuma | Bacillota |
| Klasea | Bacilli |
| Ordena | Lactobacillales |
| Familia | Lactobacillaceae |
| Generoa | Lactobacillus |
| Espeziea | Lactobacillus reuteri [[|]] |
| Datu orokorrak | |
| Gram tindaketa | Grampositibo |
Limosilactobacillus reuteri (lehen, Lactobacillus reuteri deitua) ugaztunen heste-floran dagoen bakterio Gram positiboa da, probiotiko moduan ere erabiltzen dena. Anaerobio fakultatiboa da eta ez du esporarik sortzen.
Reuterina izeneko molekula ekoizten du, ezaugarri antibiotikoak dituena (hainbat mikrobio hiltzen ditu) [1]. Hesteetako hainbat mikrobio patogenoren aurka eraginkorra da substantzia hori.
Ama-esnean egon ohi den bakterioa da, eta bularreko haurrek amagandiko edoskitzearekin hartzen dute [2].
Ugariak dira Limosilactobacillus reuteri probiotiko moduan hartzearen onurak. Hauek dira literatura zientifikoan gehien aipatzen direnak:
- Umeen beherakoen sintomak hobetzen ditu [3]
- Bularreko haurraren kolikoaren aurka eraginkorra da [4]
- Helicobacter pylori kaltegarriaren aurka jarduten du [5]
- Immunitate-sistemaren funtzionamendua modulatzen du [6]
- Hanturaren aurkako ezaugarriak ditu, zitokinen ekoizpena modulatzen duelako
- Txantxarraren aurka ere erabiltzen da, gaitz hori eragiten duen Streptococcus mutans-en hazkuntza inhibitzen duelako [7]
- Heste-paretaren osotasuna sendotzen du, heste-iragazkortasuna saihestuz
Onura horiek guztiak direla-eta, gero eta gehiago erabiltzen da Limosilactobacillus reuteri probiotiko moduan
Erreferentziak
- ↑ Chemical characterization of an antimicrobial substance produced by Lactobacillus reuteri Antimicrob. Agents Chemother. 33 (5): 674-9. 1989ko maiatza
- ↑ Pelaez, C., Requena, T.: La microbiota intestinal CSIC (2017), 91 orr. ISBN: 978-84-00-10176-3
- ↑ Szajewska, H; Urbańska, M; Chmielewska, A; Weizman, Z; Shamir, R (September 2015). «Meta-analysis: Lactobacillus reuteri strain DSM 17938 (and the original strain ATCC 55730) for treating acute gastroenteritis in children». Benef Microbes 5 (3): 285-93
- ↑ Harb, T; Matsuyama, M; David, M; Hill, RJ (May 2016). «Infant Colic-What works: A Systematic Review of Interventions for Breast-fed Infants». J Pediatr Gastroenterol Nutr 62 (5): 668-86
- ↑ Helicobacter pylori eradication with Lactobacillus reuteri. A double blind placebo-controlled study». Dig Liver Dis 37 (Suppl 1): S88, abstr. PO1.49. 2005
- ↑ Arponen, S.: !Es la microbiota, idiota! Alienta Edit. (2021) 32 orr. ISBN: 978-84-1344-068-2
- ↑ Lactobacillus reuteri in bovine milk fermented decreases the oral carriage of mutans streptococci Int. J. Food Microbiol. 95 (2): 219-23. 2004ko iraila
Kanpo estekak
| Autoritate kontrola |
|---|
Datuak: Q597078
Espezieak: Lactobacillus reuteri
