Lidia Txukovskaia
Lidia Txukovskaia | |
---|---|
![]() ![]() | |
Bizitza | |
Jaiotzako izen-deiturak | Ли́дия Никола́евна Корнейчуко́ва (ru) |
Jaiotza | San Petersburgo eta Helsinki, 1907ko martxoaren 11 (juliotar egutegia) |
Herrialdea | ![]() ![]() ![]() |
Lehen hizkuntza | errusiera |
Heriotza | Mosku, 1996ko otsailaren 7a (88 urte) |
Hobiratze lekua | Peredelkino hilerria |
Familia | |
Aita | Korney Chukovsky |
Ama | Maria Goldfeld |
Ezkontidea(k) | Matvei Petrovich Bronstein (en) ![]() César Volpé (en) ![]() |
Seme-alabak | ikusi
|
Anai-arrebak | ikusi
|
Hezkuntza | |
Heziketa | San Petersburgoko Estatu-Unibertsitatea |
Hizkuntzak | errusiera |
Jarduerak | |
Jarduerak | idazlea, poeta, haur literaturaren idazlea, prosalaria, editore-laguntzailea, oroitzapen-idazlea, literatura-kritikaria eta iritzi-kazetaria |
Lan nabarmenak | ikusi
|
Kidetza | Bavariako Arte Ederren Akademka |
Izengoitia(k) | Алексей Углов |
![]() ![]() |
Lidia Korneievna Txukovskaia (errusieraz: Ли́дия Корне́евна Чуко́вская, ˈlʲidʲɪjə kɐrˈnʲejɪvnə tɕʊˈkofskəjə ahoskatua; San Petersburgo, Errusia, 1907ko martxoaren 24agreg./martxoaren 11jul. - Mosku, Errusia, 1996ko otsailaren 8a), idazlea eta literatur kritikaria.
Biografia
Maria Borisovna Goldfiels zuen ama, eta Kornei Txukovski aita (umeentzako idazlea, itzultzailea eta kritikaria zena).
1927an lanean hasi zen Detgiz argitaletxean, Samuil Yakoclevitx Marxaken zuzendaritzapean. Han argitaratu zuen bere lehen lana, Leningrado-Odesa izeneko istorio motza.
Bere bigarren senarra Matvei Bronstein fisikaria izan zen, zeina 1937an atxilotu eta 1938an fusilatu baitzuten[1]. SESBeko purga horietan Detgiz argitaletxeko hainbat kide ere atxilotu eta hil zituzten. Hortik aurrera, Txukovskaiak bizitza nomada eduki zuen urte askoan. Orduan idatzi zuen Sofia Petrovna obra ezaguna.
1950. hamarkadan Txukovskaiak izen ona irabazi zuen literatur adituen artean, Literaturnaia Moskva hileroko kulturalaren editorea zelako. Hamarkada horren amaieran Sofia Petrovna obra asko zabaldu zen sobietar literatur zirkuluetan, eskuizkribu klandestino lez. Parisen argitaratu zen lehen aldiz, 1965ean, baina autorearen baimenik gabe eta aldaketekin. Hurrengo urtean New York hiriko argitaratzaile batek kaleratu zuen, oraingo honetan autorearen baimenarekin.
1960. hamarkadan hainbat idazle disidenteren alde hitz egin zuen, tartean Solzhenitsinen alde.
1974ko urtarrilaren 9an Idazleen Elkartetik bota zuten, eta 1979an Bazterketa prozesua lana argitaratu zen mendebaldeko herrialdeetan. Bere liburuak eta artikuluak ez ziren berriro argitaratu SESBen 1988ra arte[2].
Sariak
- 1990, Andrei Sakharov saria
Liburuak euskaraz
- Sofia Petrovna, Katakrak Liburuak, 2019, Iruñea. Liburu hau 1937-38ko SESBeko purgei buruzkoa da, eta 1939an idatzi zuen[3]. Josu Zabaletak euskaratu zuen.
- Urpean murgildu, Katakrak Liburuak, 2021, Iruñea. Itzultzailea: Josu Zabaleta.
Erreferentziak
Datuak: Q433942
Multimedia: Lydia Chukovskaya / Q433942