Joshua Nkomo
Joshua Nkomo | |||
---|---|---|---|
![]() ![]() | |||
1987ko abenduaren 31 - 1999ko uztailaren 1a - Joseph Msika (en) ![]() | |||
Bizitza | |||
Jaiotza | Semokwe (en) ![]() | ||
Herrialdea | ![]() | ||
Heriotza | Harare, 1999ko uztailaren 1a (82 urte) | ||
Hobiratze lekua | National Heroes Acre (en) ![]() | ||
Heriotza modua | berezko heriotza: prostatako minbizia | ||
Familia | |||
Ezkontidea(k) | Johanna Mafuyana (en) ![]() | ||
Hezkuntza | |||
Heziketa | Adams College (en) ![]() | ||
Jarduerak | |||
Jarduerak | politikaria eta sindikalista | ||
Sinesmenak eta ideologia | |||
Erlijioa | Protestantismoa Erromatar Eliza Katolikoa | ||
Alderdi politikoa | ![]() | ||
![]() ![]() |
Joshua Mqabuko Nyongolo Nkomo (Bukalanga edo Bulilima, Hego Rhodesia, 1917ko ekainaren 19a - Harare, 1999ko uztailaren 1a) Zimbabweko politikaria izan zen. 1945etik 1950era burdinbideetako langileen sindikatuko idazkari nagusi izan zen. 1957an ANCeko (Afrikako Kongresu Nazionala) lehendakari izendatu zuten. 1961ean ZAPU sortu zuen (Zimbabweko Afrikar Herriaren Batasuna), beltz abertzaleak biltzen zituen erakundea. 1962an Rhodesiako gobernuak ZAPU debekatu eta Nkomo atxilotu zuen; 1964an Mozambiketik hurbil zegoen presondegi batera eraman zuten. 1971ean NBEko Segurtasun Erakundeak Rhodesiako gobernuari Nkomo aska zezala eskatu izanagatik, preso jarraitu zuen 1974 arte. 1977an Fronte Abertzalea izeneko erakunde armatuko lehendakaria izan zen Robert Mugaberekin batera. 1980ean hauteskundeak egin ziren eta Nkomoren alderdiak jarleku gutxi batzuk besterik ez zituen eskuratu Legebiltzarrerako. Mugabek, berriz, gehiengoa eskuratu zuen. Mugabe gobernuburu berriak Nkomo izendatu zuen Barne Arazoetako ministro; 1982an gobernutik bota zuen azpilanetan ari zela salaturik. 1987an Mugabek eta Nkomok hitzarmen bat sinatu zuten eta Nkomo ministro izendatu zuen berriro ere. 1994an presidenteorde kargua izan zuen.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q470290
Multimedia: Joshua Nkomo / Q470290