Joakin Lizarraga
Joakin Lizarraga | |
---|---|
Bizitza | |
Jaiotza | Elkano, 1748ko irailaren 17a |
Herrialdea | ![]() |
Heriotza | Elkano, 1835eko urtarrilaren 20a (86 urte) |
Hezkuntza | |
Hizkuntzak | euskara gaztelania |
Jarduerak | |
Jarduerak | idazlea, poeta eta apaiz katolikoa |
Sinesmenak eta ideologia | |
Erlijioa | katolizismoa |
Erlijio-ordena | Jesusen Konpainia |
![]() |
Joakin Lizarraga Iragi (Elkano, 1748ko irailaren 17a - Elkano, 1835eko urtarrilaren 20a) nafar apaiz eta euskal idazlea izan zen.
1774an apaiztu zen, eta ordutik herriko erretorea izan zen hil arte. Nafarroa Garaiko euskal idazle nabarmenena izan zen bere garaian. Haren lanek goi-nafarreraren Iruñerriko aldaera ezagutzeko parada ematen dute.
Bizitza
![](http://upload.wikimedia.org/wikipedia/commons/thumb/d/d4/Joakin_Lizarragaren_Ex_libris_Axularren_Gero_liburuan.jpg/220px-Joakin_Lizarragaren_Ex_libris_Axularren_Gero_liburuan.jpg)
Jesusen Lagundian ikasi zuen Iruñean eta Villagarcia de Camposen (Valladolid). 1767an jesuiten aurkako esetsaldia gertatu zenean, Lagundia utzi, apaiztu eta bere jaioterriko erretore izan zen hirurogei bat urtez, hil zen arte.
Haren idazlanak bere bizian ez ziren argitaratu. Garrantzi handia du, Lizarraga jaio eta bizi izan zen lekuetan gaur egun euskara galdua delako. Zenbait obra XIX. mendean argitaratu ziren: Urteco igande guztietarako Placticac edo Itzaldiak (1846, gipuzkerara egokitua), Jesus. Copla guisa batzuc molde gutitacoac, celebratus Jesus Jaunaren amoreac eta favoreac (1868) eta Jesus-Cristoren evangelio sandua Juanec dacarran guisara (1868). Azken biak L.L. Bonaparte printzeak argitaratu zituen Londresen. XX. mendeko azkenaldean Lizarragaren obra gehienak argitaratu ziren idatzi ziren bezala, Euskaltzaindiaren babespean. 1978an Juan Apezetxea Perurenak Joaquin de Lizarraga. Un escritor navarro en euskara izeneko ikerketa liburua argitaratu zuen.
Patxi Ondarra (1925-2005) bakaikuar euskaltzainak sakonki aztertu zuen haren lana.
« | Sufrimentu andiak egiten du gizon santu eta andia: arteraño ez da andirik Jaungoikoaren kortean. Arrai txikiak badira erreka txikietan ere, baña arrai andirik ez duzute arkituko itsasoan baizik, eta itsasoa da gazimiña, aditzera emateko trabajuen samintasuna. Aise bizi dan persona, ez da on andia, ta asko kosta ez dan gauza ezin izan diteke guztizkoa, gaiñ gañekoa; trabaju ta tormentuetan luzaro irautea da gauza andia. | » |
Jesús-Cristoren evangelio sandua jaunec dacarren guisara, Joakin Lizarraga. |
Lanak
Bertsoa
- Coplac (1868).
Erlijioa
- Urteco Igande guztietaraco Platicac edo Itzaldiac (1846, Baroja)
- Ongui iltzen laguntzeco itzgaiak (1984, Euskaltzaindia)
- Doctrina Christioaren Cathechima (2005, Vianako Printzea)
- Jesús, copla guisa batzuc molde gutitacoac.
- Jesús-Cristoren evangelio sandua jaunec dacarren guisara.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Ikus, gainera
Kanpo estekak
- Joakin Lizarraga literaturaren zubitegian
- Bidegileak bilduma: Joakin Leizarraga
Datuak: Q4856112