Jenni Sidey-Gibbons
Jenni Sidey-Gibbons | |
---|---|
![]() ![]() | |
Bizitza | |
Jaiotza | Calgary, 1988ko abuztuaren 3a (36 urte) |
Herrialdea | ![]() |
Familia | |
Ezkontidea(k) | Chris Sidey-Gibbons (en) ![]() |
Hezkuntza | |
Heziketa | McGill Unibertsitatea Jesus College (en) ![]() Chinook Winds Adventist Academy (en) ![]() |
Tesi zuzendaria | Epaminondas Mastorakos (en) ![]() |
Jarduerak | |
Jarduerak | astronauta eta ingeniaria |
Kidetza | NASA Astronaut Group 22 (en) ![]() |
![]() ![]() ![]() |
Jennifer Anne MacKinnon Sidey-Gibbons, Jenni Sidey-Gibbons izenez ezaguna (Calgary, 1988ko abuztuaren 3a) Kanadako astronauta, ingeniaria eta akademikoa da. Kanadako Espazio Agentziak 2017ko CSA kohorteko bi kideetako bat bezala hautatu zuen [1] [2] [3] [4]
Biografia
Albertako Calgaryn jaio zen. Zientziarekiko interesa bere amak bultzatu zuen, askotan museoetara eramaten zuen eta zientziaren eta ingeniaritza alorretan ereduak aurkitu zituen. Bere osabak, ingeniari zibilak, diseinu lanetan ere parte hartzera bultzatu zuen.
McGill Unibertsitatean Ingeniaritza Mekanikoko Ohorezko Gradua du. McGill-en zegoela, ikerketak egin zituen Kanadako Espazio Agentziarekin (CSA) eta National Research Council-en Hegaldi Ikerketa Laborategiarekin elkarlanean, sugarraren hedapena mikrograbitateari buruz. Ondoren, 2015ean ingeniaritza doktoretza egin zuen Jesus College-n, Cambridgen, non errekuntzan zentratu zen Nondas Mastorakos irakaslearen zuzendaritzapean.
2018an, Chris Gibbons psikologo britainiarrarekin ezkondu zen, Cambridge Unibertsitatean ezagutu zuena, eta biek Sidey-Gibbons ezkondu izena hartu zuten. [5]
Karrera akademikoa
Kanadako Espazio Agentzian sartu aurretik, barne-errekuntzako motorretan irakasle lanetan aritu zen Cambridgeko Unibertsitateko Ingeniaritza Sailean. Bere ikerketaren ardatza tenperatura baxuko sugarrak (su hotzak eta LEVE errekuntza) eta gas-turbinaren errekuntzan kutsatzaileetan eta isurketetan dituzten ondorioak izan ziren. [6] Lan horrek gas-turbinetako motorrentzako emisio baxuko erregailuak garatzen laguntzen du.
Energia, Fluidoen Mekanika eta Turbomakineria Dibisioko graduko eta gradu ondoko ikasleei ere irakatsi zien, energia konbentzionalen eta alternatiboen ekoizpenetik termodinamikaren eta suaren fisikako sarreraraino.
Ardura formal horiez gain, zientziarekin lotutako arloetan karrera teknikoak aztertzen ari ziren emakume gazteen eredu gisa ere jardun zuen. Nabarmentzekoa, Robogals-en Cambridgeko kapituluaren sortzailekidea da, ikasleek zuzendutako nazioarteko erakundea, eta emakume gazteak zientzia, teknologia, ingeniaritza eta matematika (STEM) ikas ditzaten inspiratu eta ahalduntzea helburu duen ekimen dibertigarri eta hezigarrien bidez. Lan horren bidez, Erresuma Batuko 3.000 neska baino gehiagori programazioa irakatsi die.
2016an Ingeniaritza eta Teknologia Erakundearen Urteko Ingeniari Gaztearen Saria jaso zuen, baita Ingeniaritza Errege Akademiaren Urteko Ingeniari Gaztearen Saria ere.
Karrera Kanadako Espazio Agentzian
Kanadako Espazio Agentziak hautatu zuen astronauten prestakuntza jasotzeko CSA Group 2017 taldean, Kanadako astronautak kontratatzeko laugarren kanpainaren baitan.
2017ko uztailean Houstonera (Texas) joan zen, Johnson Space Center-en NASAko astronauta hautagaien prestakuntzarako bi urteko programa osatzeko. NASAko Astronaut Group 22rekin batera ari da entrenatzen.
Erreferentziak
- ↑ «Biography of Jennifer Sidey» Canadian Space Agency website 2017-07-01.
- ↑ Meet Jennifer Sidey and Joshua Kutryk, Canada’s newest astronauts. .
- ↑ Exploring Space or the Ocean: Astronaut Joshua Kutryk takes position. .
- ↑ Jennifer Sidey and Josh Kutryk: Canada’s two newest astronauts revealed. .
- ↑ Chris Sidey-Gibbons currently works as Associate Professor, Department of Symptom Research, at the University of Texas' MD Anderson Cancer Center (researchgate profile).
- ↑ «Dr. Jenni A. M. Sidey — CUED Division A» www-diva.eng.cam.ac.uk.
Kanpo estekak
- Perfila CSA
- CSA Bideo Galeria
- CSA Argazki Galeria
Datuak: Q32538663
Multimedia: Jenni Sidey-Gibbons / Q32538663