Irie Révoltés
Irie Révoltés | |
---|---|
![]() Irie Révoltés 2011n | |
Datuak | |
Jatorria | Heidelberg, Alemania |
Musika mota | Reggae, Dancehall, Ska, Punk, Hip hop |
Urteak | 2000 - gaur |
Taldekideak | |
„Mal Élevé“ „Carlito“ „Silence“ „idoT“ „Conriot“ „Flex“ „Chriggi“ „Toby!“ „Mickez“ | |
Informazio gehigarria | |
http://www.irie-revoltes.com/ | |
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() |
![](http://upload.wikimedia.org/wikipedia/commons/thumb/5/5b/Irie_Revoltes_%28ZMF_2017%29_IMGP8016.jpg/220px-Irie_Revoltes_%28ZMF_2017%29_IMGP8016.jpg)
Irie Révoltés musika talde alemaniarra da, Heidelbergen sortua. "Irie" hitzak positibo, zoriontsu, alai edo aske esan nahi du Jamaikako Patois hizkuntzan eta "révoltés" hitzak errebeldeak esan nahi du frantsesez. Taldeak alemanez eta frantsesez abesten du ("Carlito" eta "Mal Élevé" taldekideen aita korsikarra da), gai kritikatzaileak jorratuz. Bere musika Reggae, Dancehall, Ska, Punk eta Hip hop estiloen arteko nahasketa da.
Kontzertuetan ez ezik, manifestazioetan ere jotzen dute askotan.
Historia
Taldea 2000n sortu zenean 16 eta 20 urte bitarteko 11 kidek osatzen zuten. Alemania, Suitza eta Txekiar Errepublikako musika jaialdien bidez egin ziren ezagun.
Orain arte 400 kontzertu baino gehiago eman dituzte, 10 herrialdetan, eta horrez gain hainbat manifestaziotan jo izan dute.
Engaiamendu soziala
Irie Revoltés-ek aldaketak bultzatu nahi ditu bere musikarekin, dauden arazoak kritikatu eta aldi berean energia positiboa zabalduz. Halaber proiektu sozialetan eta protestetan engaiatzen dira. 2003an "Rollis für Afrika" (Gurpildun aulkiak Afrikarentzat) proiektua abiarazi zuen Mal élevé kideak eta "Viva con Agua de St. Pauli" eta "Respekt!" (aurreiritzi, arrazakeria, homofobia eta sexismoaren aurkako ekintza) egitasmoak ere sustatzen ditu taldeak. Horrez gain, askotan protestak sostengatzen dituzte, hala nola ikasleen greba 2009an.
Diskografia
Diskoak
- Les deux côtés (2003)
- Voyage (2006)
- Mouvement mondial (2010)
- Irie Révoltés Live [DVD&CD] (2012)
- Allez (2013)
- Irie Révoltés (2015)
Bestelako argitalpenak
- Perspectives (2006, Voices of Irie Révoltés & Chaoze One)
- G8 illegal (2007, Chaoze One feat. Mal Élevé)
- Viva con Agua (2007, freedownload Track Schmuf Hamburg-ekin feat. Toni-L)
- Bildungsstreik (2009, Voices of Irie Révoltés & Chaoze One)
Kanpo estekak
Datuak: Q526259
Multimedia: Irie Révoltés / Q526259