Eta Carinae
Eta Carinae | |
---|---|
![]() ![]() | |
Behaketa | |
Distantzia Lurretik | 7.500 ly |
Itxurazko magnitudea (V) | 6,48, 6,37, 4,9, 4,41, 4,034632, 7,03, 0,171, 1,073 eta 1,658 |
Magnitude absolutua | −8,6 |
Mota espektrala | O5.5III-O7I |
Aurkitzailea | Pieter Dirkszoon Keyser |
Aurkikuntza-data | 1595 |
Konstelazioa | Carina |
Abiadura erradiala | −25 km/s |
Igoera zuzena | 161,26474075372 ° |
Deklinazioa | −59,6844587777 ° |
Orbitaren ezaugarriak | |
Eszentrikotasuna | 0,9 |
Ezaugarri fisikoak | |
Erradioa | 800 Eguzki erradio |
Izendapenak | |
ikusi
|
Eta Carinae (η Carinae edo η Car) izar aldakor urdin argitsu hipermasibo bat da, Carina konstelazioan dagoena. Bere masa 100 eta 150 eguzki masa artekoa da, gure galaxiako izarrik masiboenetako bat bihurtzen duena. Era berean, argitasun handia ere badu, gure eguzkiarena baino 4 milioi aldiz handiagoa. Bere inguruan dagoen hauts mordoaren ondorioz, Eta Carinaek bere argitasunaren %99a espektruaren zati infragorrian igortzen du, 10 eta 20 μmko uhin luzerako tarteetan zeruko objekturik dizdiratsuena bihurtzen duena.
Eta Carinae oso izar gaztea da, 2 eta 3 milioi urte bitarteko adinarekin, eta NGC 3372n dago, Carinako Nebulosa Handia edo soilik Carinako Nebulosa bezala deitua. Nebulosa honek zenbait izar hipermasibo ditu, horien artean, Eta Carinaez gain, baita HD 93129A.
Izarra Homunkulu nebulosa bezala ezagutzen den nebulosa batez inguratua dago. Bere masa handiaren ondorioz, Eta Carinae oso ezegonkorra da, eta erraz jasaten ditu materia kanporatze bortitzak. Izarren egitura eta eboluzioari buruzko egungo teorien arabera, ezegonkortasun hau muturreko argitasun batek eta azaleko tenperatura ez oso bero batek eragiten du, honen ondorioz, Hertzsprung-Russell diagraman Eddingtonen mugak eragiten duen toki batean kokatzen delarik. Baldintza horietan, erradiazioaren presio handiak izarraren azalean, honek bere kanpo geruzetatik espaziora materia kopuru handia jaurtitzea eragiten du. Irudian Homunkulu nebulosa ikus daiteke, materia kanporatze hauek sortutakoa.
Kanpo estekak
Datuak: Q12185
Multimedia: Eta Carinae / Q12185