Donostiako Tenis Elkarte Erreala
Donostiako Tenis Elkarte Erreala | |
---|---|
![]() Tenis zelaiak eskuinaldean, Ondarretaren ertzean. ![]() | |
Kokapena | |
Herrialdea | ![]() |
Probintzia | ![]() |
Udalerria | Donostia |
Koordenatuak | 43°19′N 2°01′W / 43.32°N 2.01°W / 43.32; -2.01 |
![]() | |
Historia eta erabilera | |
Irekiera | 1904ko abuztuaren 28a |
Kirola | futbola |
Arkitektura | |
Donostiako Tenis Elkarte Erreala Gipuzkoako Donostia hiriburuan dagoen tenis elkarte bat da. Antigua auzoan dago. Gipuzkoan oraindik martxan dagoen kirol-elkarterik zaharrena da. Ondarretako hondartzaren parean eta Haizearen Orrazira joateko Eduardo Txillida pasealekuan kokatua dago.
Historia
1904ko abuztuan sortu zen San Sebastián Recreation Club izenarekin. Bere lehen presidentea Jorge Satrustegui izan zen. Bere hastapenetan, kirol talde bat izan zen, bere aterkipean kirol diziplina ugari praktikatu ziren arren (futbola, hockeya, cricketa, hipika, errugbia, poloa, golfa, atletismoa...). Bere lehen egoitza Ategorrieta auzoan zegoen, baina laster aldatu zuen bere egoitza eta Antigua auzoan eraiki zituen bere instalazioak, non 1906tik aurrera finkatu zen, Zumalakarregi etorbidearen ondoan.
1910eko hamarkadan klubaren krisialdia izan zen, bere kirol atal ezberdinak nola desagertzen joan ziren ikusi zuena, soilik teniseko atala bizitasunez mantenduz[1]. Recreation Clubeko zatiketetatik sortu ziren kluben artean Real Sociedad nabarmendu behar da.
1919ko otsailaren 1ean kluba Real Club de Tenis de San Sebastián izenarekin birsortu zen. 1920ko hamarkadaren amaieran, Ondarreta ingurua urbanizatu zen, Recreation Clubak bere instalazioak finkatu zituen tokia, Ondarretako Futbol Zelaiaren zelaiak barne, garai hartan desagertu zen hiriko lehen futbol zelaia. Klubak akordio bat sinatu zuen Donostiako Udalarekin, eta, horren ondorioz, 1928an gaur egungo kokalekura aldatu zen, garai hartan Ondarretako paduretan zegoen lekura, hain zuzen ere. Harrezkero, Ondarretako Tenisa hiriko bizitza sozialaren giltzarrietako bat izan zen, era guztietako ekitaldi sozialen egoitza izan baitzen. Kirol arloan bere instalazioetatik pasa ziren erraketa nabarmenak eta Davis Kopako kanporaketa baten eszenatoki ere izan zen 1968an.
Kluba krisi eta gainbehera garai batetik igaro zen 1980ko hamarkadaren hasieran, hirian uda igarotzen zuten eta klubaren ekitaldietan parte hartzen zuten klase altuko familia askoren martxaren ondorioz. Udalaren laguntzarekin eta teniseko lehiaketak eta ikastaroak antolatuz beste gizarte-geruza batzuetara irekiz, klubak biziraun eta berreskuratu ahal izan zuen. Azken hamarkadetan, klubak bere instalazioak birmoldatu eta handitu zituen, baita piraguismo eta padel sail berriak ireki ere.
Argazki galeria
- Tenis txapelketa bat
- Partida mistoa
- Manolo Santana Davis Koparen kanporaketa batean.
- SS Recreation Club
- Real Sociedad taldea Ondarretako futbol zelaian
Erreferentziak
- ↑ (Gaztelaniaz) «Real Club de Tenis de San Sebastián» RCTSS (Noiz kontsultatua: 2020-05-11).
Kanpo estekak
- Donostiako Tenis Elkarte Errealaren webgunea (Gaztelaniaz)
Datuak: Q11702283
Multimedia: Real Club de Tenis de San Sebastián / Q11702283