Chelsi Smith
Chelsi Smith | |
---|---|
Bizitza | |
Jaiotzako izen-deiturak | تشيلسي مريم بيرل سميث |
Jaiotza | Redwood City (Kalifornia), 1973ko abuztuaren 23a |
Herrialdea | ![]() |
Bizilekua | Deer Park (Texas) |
Lehen hizkuntza | ingelesa |
Heriotza | Los Angeles, 2018ko irailaren 8a (45 urte) |
Heriotza modua | berezko heriotza: gibeleko minbizia |
Hezkuntza | |
Heziketa | Deer Park High School (en) ![]() San Jacinto College (en) ![]() |
Hizkuntzak | ingelesa |
Jarduerak | |
Jarduerak | modeloa, aktorea, edertasun lehiaketan parte-hartzailea, zinema aktorea, telebista-aktorea eta abeslaria |
Pisua | 57 kilogramo |
Altuera | 173 zentimetro |
Jasotako sariak | ikusi
|
chelsismith.com | |
![]() ![]() ![]() ![]() ![]() |
Chelsi Mariam Pearl Smith, ezagunagoa Chelsi Smith izenez (Redwood City, Kalifornia, 1973ko abuztuaren 23a - Los Angeles, Kalifornia, 2018ko irailaren 8a) estatubatuar aktorea, abeslaria, modeloa izan zen. 1995ean Miss AEB eta Miss Unibertso edertasun-lehiaketak irabazi zituen.[1][2][3]
Biografia
Smith Kalifornia estatuko Redwood Cityn jaio zen. Bi urte zituela, gurasoak, Craig Smith —mantentze gizon afroamerikarra — eta Trimble Denise —idazkaria—, banandu egin ziren.[4] Harrezkeroztik, aitaren aldeko gurasoek hartu zuten haren zaintzaren ardura, Barney eta Jeannette aitona-amonak.
Smith eta bere aitona-amona arduradunak Kingwoodera (Texas) joan ziren, zazpi urte zituela, eta hantxe dibortziatu ziren. Beraz, Chelsi bananduen etxe bereizi batean hazi zen, eta Deer Park High Schoolera joan zen, Deer Parken (Texas).[5] Miss AEB edertasun lehiaketa irabazi aurretik, San Jacinto Junior Collegen ikasi zuen.[6]
Edertasun erregina
Miss Texas
Smith 1994an lehian aritu zen lehen edertasun-lehiaketa garrantzitsuan, Miss Texasen (1994) erdifinalista izan zenean, Texasko Miss Hego-ekialde gisa. Hurrengo urtean, Miss Texasen (1995), Miss Galveston izan zen berriro, titulua eta Miss Simpatiaren saria ere irabazita. Smith izan zen lehiaketa horren historiako lehen erregina afroondorengoa.
Miss AEB
Smith Miss AEBn lehiatu zen, South Padre Island-en, (Texas), 1995eko otsailaren 10ean. Miss Misuri AEBko Britt Boyse izan zen bere gelakidea.[2][7][8] Finalaren ospakizunean, Chelsi epaileen artean gogokoena bihurtu zen, hasierako lehiaketan batez besteko puntuaziorik altuena lortu baitzuen; lehena sartu zen finalerdietan, eta, jarraian, bere estatuko finalerdietan sartzen zen laugarren emakumea bihurtu zen, laugarrena jarraian, gainera. Bainujantziarekin eta elkarrizketarekin pasatu zen.[9][10] Erdifinalisten artean puntuazio altuenak lortu zituen, eta, hala, lehen postuan, sei onenak aurreratu zituen. Lider ukaezina izanik, erdifinalista bihurtu zen eta lehenengo seietatik lehen postuan aurrera egin zuen. Hurrengo bi gaitasun-txandak: sei epaile nagusien galderak —Top 6— eta hiru onenen azken galdera. Berari galdetu zitzaionean —aholkulari gisa— nola aldatuko lukeen lehen damaren irudia kontsulta baterako eskatuz gero, Smithek hauxe erantzun zuen:
«Bere irudia ez aldatzeko esango nioke, benetan. Sinetsi egiten dut nor naizen, eta gaur gauean 50 emakume ikusi ditut nor diren irmoki sinesten dutenak, eta benetan uste dut bera, bera ez balitz hain urrutira ez zatekeela iritsiko, beraz, benetan uste dut bera den bezalakoa mantendu beharko litzatekeela.» [11] Chelsi Smith
Haren erantzunak hunkitu egin zituen epaileak, eta beste behin ere kalifikazio altuenak, koroa, sariak eta izen ona eman zizkion. Miss AEB titulua lortu zuen bere estatuko zazpigarren emakumea bihurtu zen, eta Miss Congeniality saria ere irabazi zuen, estatuko desfilean egin zuen bezala. Sari hori irabazi zuen Miss AEB eta Miss Texas AEBren irabazle bakarra izan zen.
Koroatu ondoren, Smith lehiakide ezaguna izan zen telebistako Wheel of Fortune[12] joko saioan eta People's Choice sarien aurkezlea.[13]
Miss Unibertso 1995
Miss AEB izan ondoren, Smith Windhoekera (Namibia) joan zen, 1995eko maiatzaren 12an Windhoek Country Club-en egindako Miss Unibertso ekitaldian lehiatzera. Puntuazio onena lortu zuen berriro atariko gaitasunean, eta lehen hamarretan jarri zen. Azken lehiaketan, puntuazio altuena izan zuen bainu-jantzian, hirugarren postua elkarrizketan eta zazpigarrena gaueko jantzian, eta lehiakideen tokirik gorenean egon zen, oro har.[14]
Beste behin ere, Smith azken txandako hiru lehiakideen artean geratu zen, eta titulua irabazi zuen. Miss Unibertso edertasun lehiaketa irabazi zuen seigarren estatubatuarra izan zen, eta bigarren beltza.[15]
Bizitza pertsonala
Miss Unibertso erreginaldiaren ondoren, Smith Kelly Blair fitness-entrenatzailearekin ezkondu zen, eta Los Angelesera joan zen bizitzera.[16] Gero dibortziatu egin ziren. Smith 45 urte zituela hil zen, 2018ko irailaren 8an, gibeleko minbiziaren ondorioz.
Filmografia
Filmak
Urtea | Izenburua | Pertsonaia | Oharrak |
---|---|---|---|
2003 | Playas Ball | Jill Hamlin |
Telesailak
Urtea | Telesaila | Pertsonaia | Oharrak |
---|---|---|---|
1996 | Due South | 1. emaztea | Atal batean |
Erreferentziak
- ↑ «Black? White? Or other? Conventional race definitions being questioned.»[Betiko hautsitako esteka]. Richmond Times-Dispatch. 12 de marzo de 1995. Consultado el 11 de noviembre de 2010.
- ↑ a b Redacción. (11 de febrero de 1995). Texas woman wins. San Francisco.
- ↑ Redacción. (30 de junio de 1994). Smith crowned Miss Texas USA. .
- ↑ Redacción. (14 de febrero de 1995). «Chelsi Smith» Fort Worth Star-Telegram.
- ↑ «Chelsi Smith» Model Mayhem.
- ↑ «Celebrity»[Betiko hautsitako esteka]. Boston Herald. Apr 13, 1995. Consultado el 11 de noviembre de 2010. «Miss U.S.A. Chelsi Smith appeared at Filene's yesterday on behalf of Filene's and Jantzen's Clean Water Campaign.»
- ↑ «Miss USA wins 1995 Miss Universe pageant». Sun Herald. 14 de mayo de 1995. Consultado el 11 de noviembre de 2010.
- ↑ Charmoli, Tony (Director) (10 de febrero de 1995). The 1995 Miss USA Pageant (Television production). South Padre Island, Texas: CBS.
- ↑ «Miss Universe holds court on equality not just good looks». Dallas Morning News. 22 de octubre de 1995. Consultado el 11 de noviembre de 2010. «She appears on Wheel of Fortune and at the People's Choice Awards. She attends Hollywood events like the post Oscar party for the cast of Forrest Gump.»
- ↑ «Chelsi Smith, Biracial Woman From Texas Crowned Miss Universe». Jet (Johnson Publishing Company) 88 (3): 53. 25 de mayo de 1995. ISSN 0021-5996. Consultado el 11 de noviembre de 2010.
- ↑ «Today in History: Miss Texas crowned Miss USA». Houston Chronicle. 10 de febrero de 2010. Archivado desde el original el 7 de marzo de 2010. Consultado el 11 de noviembre de 2010.
- ↑ Min, Janice. (15 de mayo de 1995). Hanging Tough. .
- ↑ Goad, Kimberly. (22 de octubre de 1995). Miss Universe holds court on equality not just good looks. .
- ↑ «Miss Teen USA 2006». NBC. Archivado desde el original el 26 de octubre de 2012. Consultado el 11 de noviembre de 2010.
- ↑ «Clemens saga weaves a tangled web in Houston». ESPN. 21 de mayo de 2008. Consultado el 11 de noviembre de 2010.
- ↑ Min, Janice. (15 de mayo de 1995). Hanging Tough. .
Kanpo estekak
Datuak: Q2534028
Aurrekoa: | Miss Unibertso 1995 | Hurrengoa: |