Bostorri

Bostorri
Irudi gehiago
Sailkapen zientifikoa
Erreinua	Plantae
Ordena	Rosales
Familia	Rosaceae
Leinua	Potentilleae
Generoa	Potentilla
Espeziea	Potentilla reptans Linnaeus, 1753

Bostorria (Potentilla reptans) Arrosaren familiako landarea da, hostoak bost horritxoz osaturik dituena.^[1] Eurasiako eta iparraldeko Afrikakoa baden ere, kosmopolita bilakatu da.^[2]

Potentilla reptans tokiko euskarazko testuetan:^[3] basarregatze (basa-arragatze); bost-hostotako; bostorri; bostosto.

Estoloi bidez ugaltzen den landarea da. Estoloiak metrobeteko luzera ere har dezake.

Korapiloetan hostoak ateratzen dira, oso horzkatuak eta bost lobuludunak, hortik datorkio izena.

Loreak horiak dira, 4-7 mm-ko petaloak dituztenak. Handik sortuko den fruitua akenio txiki bat da.

Lurzoru buztintsuetako zelaietan erraz aurkitzen da, beti ere toki eguzkitsua bada eta hezetasuna aurkitzen badu.

Sukarraren aurka egiteko erabiltzen da. Idortzeko gaitasuna duenez ultzerari eta beherakoari aurre egiten ere laguntzen du.

• 
  Hostoak.
• 
  Lore horiak.
• 
  Bostorriaren estoloia.

• Datuak: Q130224
• Multimedia: Potentilla reptans / Q130224
• Espezieak: Potentilla reptans