Bogumiła Wander

Bogumiła Wander
(2015) Irudi gehiago
Bizitza
Jaiotza	Kalisz, 1943ko urriaren 7a
Herrialdea	Polonia
Lehen hizkuntza	poloniera
Heriotza	2024ko uztailaren 30a (80 urte)
Familia
Ezkontidea(k)	Krzysztof Baranowski ^(en)
Haurrideak	ikusi Włodzimierz Wander ^(en)
Hezkuntza
Heziketa	Varsoviako Unibertsitatea
Hizkuntzak	poloniera
Jarduerak
Jarduerak	kazetaria
Kidetza	Stowarzyszenie Dziennikarzy Polskich ^(en)

Bogumiła Wander (Kalisz, 1943ko urriaren 7a – Konstancin-Jeziorna, 2024ko uztailaren 30a^[1]) poloniar telebista aurkezlea izan zen.

Bizitza

Bogumiła Wanderren ama aktore eta margolaria izan zen, eta aita musikari multiinstrumentalista^[2]. Neba nagusi bat zuen, Włodzimierz^[3], Niebiesko-Czarni musika taldeko kidea^[2].

Łódźeko Unibertsitateko Filosofia eta Historia fakultatean lizentziatu zen^[4]. 1965ean, hirugarren mailan zegoela, lehiaketa irabazi zuen eta lana lortu zuen TVP3 Łódź katean^[4]. Bost urte geroago Varsoviara joan zen bizitzera, eta laster hasi zen bertako TVP adarrean lanean. 1970eko hamarkadaren erdialdetik, TVP1 eta TVP2 kateetan aritu zen. Horrez gain, Zielona Górako Sobietar Kantu Jaialdian^[5], Opoleko Poloniar Abestiaren Jai Nazionalean eta Sopoteko Jaialdian aurkezle izan zen^[6].

1979an, telebistan lan egiteari utzi eta Bruselara joan zen senarrarekin^[7]. 1982an, Poloniara itzuli zen eta TVPn berriro agertzen hasi zen, eta graduondoko ikasketak ere egin zituen Varsoviako Unibertsitatean^[3]^[8]. Hurrengo urteetan, esatari izateaz gain, Panie na planie telesaioa ekoizten eta Życie na pointach balletaren inguruko aldizkaria editatzen hasi zen^[8]. 1987an bere burua antzeztu zuen W klatce filmean. 1989an Poloniako Kazetarien Elkarteko kide egin zen eta erakunde honetako Varsoviako zuzendaritzan aritu zen hamar urtez^[8]. 1990eko hamarkadaren bigarren erdian bi dokumental zuzendu zituen: Conrad Drzewiecki o sobie. To nie ja, to taniec (1997) eta Andrzej Strumiłło. A-4 dziennik rysowany (1998)^[8]^[9]

2003an, TVPn amaitu zuen aurkezle lanetan^[10].

1970ean Zbigniew Żołędziowskirekin ezkondu zen^[11], eta 1973an seme bat izan zuen, Marek^[2]. 2005etik hil zen arte Krzysztof Baranowskirekin ezkonduta zegoen^[2].

2020an, hedabideek jakinarazi zuten Wanderrek Alzheimerren gaixotasuna zuela^[12]. 2024ko uztailaren 30ean hil zen, 80 urte zituela^[1].

Erreferentziak

↑ ^a ^b (Polonieraz) Górna, Marta. «Bogumiła Wander nie żyje. Legendarna spikerka TVP miała 80 lat» Wyborcza 2024-07-30 (Noiz kontsultatua: 2024-08-01).
↑ ^a ^b ^c ^d (Polonieraz) Szarłat, Aleksandra. (2015). Prezenterki: tele PRL. Wydawnictwo Świat Książki, 296 or. ISBN 978-83-8031-299-9..
↑ ^a ^b (Polonieraz) Życie na Gorąco. (argitaratze data: 2018-10-25), 34-35 or..
↑ ^a ^b (Portugesez) Szarłat, Aleksandra. (2015). Prezenterki: tele PRL. Wydawnictwo Świat Książki, 299 or. ISBN 978-83-8031-299-9..
↑ (Polonieraz) XIII Festiwal Piosenki Radzieckiej Zielona Góra 1977. , 3 or. (Noiz kontsultatua: 2024-08-01).
↑ (Polonieraz) Szarłat, Aleksandra. (2015). Prezenterki: tele PRL. Wydawnictwo Świat Książki, 310-313 or. ISBN 978-83-8031-299-9..
↑ (Polonieraz) Szarłat, Aleksandra. (2015). Prezenterki: tele PRL. Wydawnictwo Świat Książki, 323 or. ISBN 978-83-8031-299-9..
↑ ^a ^b ^c ^d (Polonieraz) Szarłat, Aleksandra. (2015). Prezenterki: tele PRL. Wydawnictwo Świat Książki, 324-325 or. ISBN 978-83-8031-299-9..
↑ (Polonieraz) «Bogumiła Wander» FilmPolski.pl (Noiz kontsultatua: 2024-08-01).
↑ (Polonieraz) Havranek, Iwona. «Wszystko w życiu mi wyszło» Super Express 2008-12-15 (Noiz kontsultatua: 2024-08-01).
↑ (Polonieraz) Szarłat, Aleksandra. (2015). Prezenterki: tele PRL. Wydawnictwo Świat Książki, 306 or. ISBN 978-83-8031-299-9..
↑ (Polonieraz) «Smutne wieści o Bogumile Wander. Gwiazda przebywa w ośrodku. „Umysłowo to już inny świat”» Radio Zet 2020-12-17 (Noiz kontsultatua: 2021-02-21).