Bizkaieraren fonotekea

Bizkaieraren fonotekea Bizkaiko herri-euskararen hainbat lekukoren audio eta bideo grabazio batzen dituen datu-base fonetikoa da. Grabazioak entzun daitezke, testuen transkribapenak irakurri, baita berri-emailearen datuak ikusi ere. Kantak, ipuinak, esaldiak, narrazioak, eta esakuneak ere bildu dira.^[1]^[2]^[3]^[4]

Hizkuntzaren aldetik ez ezik bilduma honek badu interesik antropologiaren eta etnografiaren aldetik, berriemaileen kontakizunetan bizitza tradizionalari buruzko hainbat datu agertzen baita.^[5]

Iñaki Gaminde eta EHUko Bilboko Telekomunikazio-Ingeniari Eskolako Aholab ikerketa taldeak sortu zuten, Bizkaiko Foru Aldundiaren laguntzarekin.^[6]^[7]

Erreferentziak

↑ «Bizkaieraren Fonoteka» aholab.ehu.eus (Noiz kontsultatua: 2019-01-16).
↑ «Ordiziako Euskara Zerbitzua -Baliabideak» www.ordizia-euskaraz.eus (Noiz kontsultatua: 2019-01-16).
↑ «Bizkaiko Fonotekea: Bizkaiko herri hizkeraren lekukoak» HABE, 328. zenbakia ISBN 0212-6788. (Noiz kontsultatua: 2019-01-16).
↑ «SAREAN: Bizkaieraren fonotekea» www.ikasbil.eus (Noiz kontsultatua: 2019-01-16).
↑ «Bizkaieraren Fonoteka Interneten. - Euskadi+innova» www.spri.eus 2007-07-12 (Noiz kontsultatua: 2019-01-16).
↑ «Bizkaifon (Bizkaieraren Fonoteka) – ELRA Catalogue» catalog.elra.info (Noiz kontsultatua: 2019-01-16).
↑ «BIZKAIERAREN FONOTEKA» Argia (Noiz kontsultatua: 2019-01-16).