Bergerren kolia

Bergerren kolia
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Pieridae
Generoa	Colias
Espeziea	Colias alfacariensis Berger, 1948
Datu orokorrak
Ostalaria	Hippocrepis comosa eta Coronilla varia

Bergerren kolia (Colias alfacariensis) Pieridae familiako lepidopteroen espezie bat da. Antzina Colias australsis izena zuen.

Eurasia guztian hedaturik dago, Iberiar penintsulatik Siberia hegoaldean zehar Txinaraino. Padura eremu lehorretako belardietan ikusten da, kareharrizko lurzoruetan.

Tximeleta handia da, 38-46 mm-ko hegal zabalera du^[1]. Koloreari dagokionez horia da aurreko hegalen puntak beltzak dituena. Arraren hegoek kolore hori biziagoa dute eta emeen kolorea berdexkagoa da, ia zuria^[2]. Aurreko hegaletan orbain beltzak agertzen dira eta laranjak atzeko hegaletan. Arren kasuan orbain laranja horiek ertz gorria dute, begiaren itxura hartuz.

Azpialdean ere horiak dira eta ozelo zuri bana dituzte. Esan beharra dago espezie beraren barietate ugari daudela eta koloretan aldaketa txikiak izaten dituztela.

Beldarra berdea da. Lerro horizontzak beltzak ditu eta lau lerro hori finek gorputz guztia zeharkatzen dute^[3].

Tximeleta emeak arrautzak jartzen ditu beldarrak jango dituen landareen hostoetan. Hippocrepis comosa eta Coronilla varia landareak atsegin ditu bereziki. Bi errunaldi izaten ditu urtean, ekainean eta abuztuan, batzutan hirugarren bat ere bai urrian.

• 
  Tximeleta arra.
• 
  Tximeleta emea.
• 
  Azpialdea.

• Datuak: Q986801
• Multimedia: Colias alfacariensis / Q986801
• Espezieak: Colias alfacariensis